У час распрацоўкі праекту будаўніцтва заводу быў выбраны шлях адбелкі цэлюлозы без выкарыстання элементарнага хлору, як найбольш экалагічнай і бяспечнай тэхналогіі для навакольнага асяроддзя і чалавека. Прыняты і рэалізаваны на заводзе метад адбелкі цэлюлозы дыяксідам хлору цяпер дамінуе на сусветным рынку і складае больш як 89 адсоткаў сусветнай вытворчасці цэлюлозы.
Пры гэтым, як і на любым прадпрыемстве па вытворчасці цэлюлозы, у тэхналагічным працэсе варэння цэлюлозы ўтвараюцца лятучыя арганічныя рэчывы, так званыя "дрэнна пахучыя газы" (далей ДПГ)- метылмеркаптан, этылмеркаптан, дзімецілсульфід і дзімецілдзісульфід.
Для ўтылізацыі ДПГ праектным рашэннем прадугледжаны і рэалізаваны збор і адвод гэтых газаў на спальванне ў содарэгенерацыйным катле (СРК). На стадыях вытворчых працэсаў (запуск, прыпынак, загрузка СРК да 30%) паводле праектнага рашэння частка ДПГ нізкай канцэнтрацыі не паступае на спальванне ў СРК, а газапаветраная сумесь з ДПГ праходзіць ачыстку ў скрубберах (згодна з праектным рашэннем), дзе ажыццяўляецца арашэнне вадой). Менавіта, на гэтых стадыях узнікла праблема з адчуваннем ДПГ насельніцтвам, якое пражывае ў бліжэйшых населеных пунктах, што пацягнула за сабой скаргі і негатыўнае ўспрыманне пуску завода.
Па патрабаванні заказчыка, генпадрадчыкам рэалізаваны мерапрыемствы, накіраваныя на зніжэнне канцэнтрацыі ДПГ і скарачэнне часу, неабходнага для выхаду на праектную магутнасць СРК.
Акрамя таго, па просьбе заказчыка спецыялістамі ЎА "Беларускі дзяржаўны тэхналагічны ўніверсітэт" сумесна з САМСЕ і ААТ "Светлагорскі ЦКК" быў прапанаваны і рэалізаваны метад арашэння ДПГ у скруберах шчолачным растворам да іх падачы на спальванне ў СРК. Згодна з ацэнкай спецыялістаў БДТУ эфектыўнасць рэалізацыі гэтага метаду складае 98 адсоткаў.
На перыяд пусканаладачных работ і пробнай вытворчасці ААТ "Светлагорскі ЦКК" заключаны дагавор з расійскай акрэдытаванай лабараторыяй ТАА "ЭКАСПЭЙС" (г. Масква). Для правядзення даследавання замераў лабараторыя выкарыстоўвала методыкі вымярэнняў, якія дзейнічаюць на тэрыторыі Расійскай Федэрацыі, якія дазваляюць ажыццяўляць замеры і аналіз у дыяпазонах нарматываў гранічна дапушчальнай канцэнтрацыі (далей – ГДК), устаноўленых у Расійскай Федэрацыі.
Вынікі замераў расійскай лабараторыі паказалі, што прадпрыемствам забяспечваюцца нарматывы ГДК усіх дрэнна пахучых газаў у паветры працоўнай зоны.
| Найменне рэчыва | Формула | ГДК у паветры працоўнай зоны мг/м3 | |
|---|---|---|---|
| Нарматыў ГДК у РБ |
Вынік замераў |
||
| Метылмеркаптан | CH4S | 0,8 | 0,001-0,005 |
| Этылмеркаптан | C2H6S | 1,0 | не выяўлена |
| Дыметылсульфід | C2H6S | 50,0 | 0,005-0,072 |
| Дыметылдысульфід | C2H6S2 | - | 0,04-0,43 |
Устаноўленыя ў Рэспубліцы Беларусь нарматывы ДПГ газаў, якія дрэнна пахнуць, у паветры рабочай зоны ідэнтычныя нарматывам, устаноўленым у Расійскай Федэрацыі, што дае магчымасць лічыць вынікі расійскай лабараторыі аб'ектыўнымі і дакладнымі.
Для арганізацыі вытворчага кантролю выкідаў дрэнна пахучых газаў атмасфернага паветра на мяжы санітарна-ахоўнай зоны, паветра працоўнай зоны, набыты газавы храмограф Agilent 7890 (США). НП ТДА «ЛЮКЭП». ААТ «Светлагорскім ЦКК», распрацавана шэсць методык выканання вымярэнняў газахраматаграфічнымі метадамі для кантролю паветра працоўных зон, атмасфернага паветра, прамысловых выкідаў ад стацыянарных крыніц выкідаў. Усе методыкі прайшлі метралагічную экспертызу і атэставаны. Цэнтральная вытворчая лабараторыя акрэдытавана на правядзенне вышэйназванага вытворчага кантролю. Атэстат акрэдытацыі BY/112 2.0055 ад 14.11.1994 года, тэрмін дзеяння да 7 лютага 2025 года.