Будаўніцтва Светлагорскага цэлюлозна-кардоннага камбіната пачалося ў 1966 годзе ў адпаведнасці з Дырэктывамі ХХIII з'езда КПСС па восьмаму пяцігадоваму плану.

Будаўніцтва ішло на плошчы 100 га, дзе раней былі балоты і пясчаныя наносы. Праектаванне завода было даручана Ўкраінскаму праектнаму інстытуту папяровых прадпрыемстваў «Укргіпробум». Вялікі ўплыў ў будаўніцтва завода аказалі стройбрыгады, якімі кіравалі славутыя будаўнікі г. Светлагорска.

Будаўніцтва асноўных і дапаможных цэхаў вялося апераджальнымі тэмпамі. Мантаж вытворчых цэхаў праводзіла Ленінградскае мантажнае спецупраўленне №2. Галоўная ўвага надавалася будаўніцтву цэха гафрыраванай тары, кардонна-папяровага цэха, макулатурнага цэха, рамонтна-механічнага цэха і заводаўпраўлення. Падводзіліся цеплатрасы ад Васілевіцкай ДРЭС, пракладаліся лініі электраперадачы.

ААТ "Светлагорскі цэлюлозна-кардонны камбінат" пачаў сваю гісторыю ў 1968 годзе з уводу ў эксплуатацыю першага цэха па вытворчасці гафрыраванага кардона і скрынь з яго на гафрыравальным агрэгаце нумар 1 французскай фірмы "Марыус Марцін" прадукцыйнасцю 60 млн. м2 гофаркардону ў год.

Цэх пачаў працаваць на прывазной сыравіне (кардон для плоскіх слаёў гафрыраванага кардона і папера для гафрыравання).

30 чэрвеня 1968 года завод выпусціў першую партыю прадукцыі – гофракардон, з якога на друкавальным - высякальным аўтамаце была атрымана першая скрыня.

1970 год – з пускам у эксплуатацыю папяровай машыны БДМ-462 Іжэўскага завода цяжкага папяровага машынабудавання ўведзены кардонна-папяровы цэх і першая чарга макулатурнага ўчастка, абсталяваная трыма гідраразбівацелямі і абсталяваннем па ачыстцы і дадатковаму размолу макулатуры.

1973 год - зманціравана і пушчана ў працу картонаробная машына К-07 для выпрацоўкі скрынкавага кардона з 100% макулатурнага валакна.

1976 год - уведзены ў эксплуатацыю цэх па вытворчасці склеенага кардону на кардонна-клеільнай машыне фірмы "ТЭКМА" (Італія) прадукцыйнасцю 30 тыс. тон, прызначаны для розных відаў упакоўкі.

1978 год - у цэху гафратары ўсталёўваюць тэхналагічную лінію французскай фірмы "Марыус Марцін" "Транслайн - 1228" з максімальнай прадукцыйнасцю 15 000 скрынь у гадзіну.

1979 год - уведзены ў эксплуатацыю цэх па вытворчасці фільтравальнага кардона на картонаробчай машыне К-14А з прадукцыйнасцю 7000 тон кардона ў год.

1980 год - уведзены ў эксплуатацыю цэх папяровых мяшкоў з дзвюма паточнымі лініямі фірмы "Вендмюлер" і "Хельшэр" (ФРГ) з прадукцыйнасцю да 45 млн. мяшкоў у год.

1984 год - уведзены ў эксплуатацыю першы паток цэлюлознай вытворчасці прадукцыйнасцю 45 400 тон цэлюлозы ў год і камбінат пачаў ажыццяўляць поўны цыкл вытворчасці прадукцыі - ад перапрацоўкі лесаматэрыялаў да гафрыраванага кардону і скрынь.

1993 год - сканструявана адзіная ў СНД тэхналагічная лінія па вырабе ўнікальнага пакавальнага сотавага амартызатара. У гэтым жа годзе ўстанаўліваецца Паўднёва-Карэйская лінія па вытворчасці поліпрапіленавай стужкі прадукцыйнасцю 30 кг. у гадзіну.

1999 год - уводзіцца ў эксплуатацыю цалкам аўтаматызаваны гафрыравальны агрэгат германскай фірмы "ПЕТЕРС" прадукцыйнасцю 200 тыс.м2 гофрокардона ў змену, які ўвасобіў у сябе найноўшыя дасягненні ў вобласці высокіх тэхналогій, і дазволіў камбінату атрымаць значную эканомію энергетычных рэсурсаў і сыравіны. У гэтым жа годзе ўводзіцца ў эксплуатацыю магній-рэгенерацыйны котлаагрэгат МРК-210, які забяспечвае зніжэнне ўпаранага шчолаку, які атрымліваюцца ад варэння цэлюлозы.

Так ААТ "Светлагорскі ЦКК" становіцца прадпрыемствам поўнага цыкла перапрацоўкі драўнянай сыравіны і буйнейшым прадпрыемствам цэлюлозна-папяровай прамысловасці Рэспублікі Беларусь, асноўнай прадукцыяй якога былі гофракардон і тара з яго. Гэтыя тавары пастаўляліся не толькі спажыўцам рэспублікі, але і ў краіны СНД, Балтыі, Германію, Галандыю, Польшчу і Румынію.

Ідэя стварэння на тэрыторыі рэспублікі новай вытворчасці цэлюлозы прапрацоўвалася на розных узроўнях з 2005 года, калі Ўрадам Рэспублікі Беларусь было даручана і Нацыянальнай акадэміі навук Беларусі сумесна з расійскай кампаніяй ЗАТ "Петразаводскмаш" падрыхтаваць бізнес-план па арганізацыі вытворчасці белёнай цэлюлозы на базе ААТ "Светлагорскі ЦКК". Распрацаваны бізнес-план быў уключаны ў спіс інвестыцыйных праектаў, прапанаваных для рэалізацыі сумесна з Кітайскай Народнай Рэспублікай. Да пытання аб будаўніцтве новага цэлюлознага завода вярнуліся ў 2010 годзе. Па выніках праведзенага адкрытага конкурсу па выбары генеральнай падраднай арганізацыі для рэалізацыі праекта ў ААТ "Светлагорскі ЦКК" пераможцам прызнана кітайская кампанія САМСЕ.

11 лістапада 2010 года падчас візіту Прэзідэнта Рэспублікі Беларусь А.Р.Лукашэнкі і членаў урада ў Кітайскую Народную Рэспубліку паміж ААТ "Светлагорскі ЦКК" і кампаніяй САМСЕ заключаны кантракт будаўнічага падраду на рэалізацыю інвестыцыйнага праекта "пад ключ". З гэтага моманту пачалася падрабязная прапрацоўка дэталей рэалізацыі праекту і яго фінансавання. 30 жніўня 2012 года быў падпісаны Ўказ Прэзідэнта Рэспублікі Беларусь нумар 391 "Аб будаўніцтве завода па вытворчасці сульфатнай белёнай цэлюлозы".

Першую сульфатную белёную цэлюлозу на новым заводзе атрымалі ў 2017 годзе, віскозную - у 2020 годзе (кампанія САМСЕ працавала на аб'екце да кастрычніка 2018 года, завяршылі будаўніцтва беларускія падрадныя арганізацыі). На працягу 2018-2019 гадоў завод працаваў у рэжыме пробнай вытворчасці, вялася дапрацоўка і наладка абсталявання, завяршаліся будаўнічыя работы, нарошчваліся магутнасці, і 29 студзеня 2020 года быў падпісаны акт уводу ў эксплуатацыю завода па вытворчасці сульфатнай белёнай цэлюлозы (з магчымасцю вытворчасці віскозы), магутнасцю 400 тыс. тон у год.

Калі завод быў поўнасцю ўведзены ў эксплуатацыю (студзень 2020), у запуску тэхналагічнай лініі вытворчасці цэлюлозы прыняў удзел кіраўнік дзяржавы А.Р.Лукашэнка. Гэта стала адной з самых яркіх і значных падзей не толькі ў гісторыі Светлагорскага ЦКК, але і ўсёй цэлюлозна-папяровай прамысловасці Беларусі.

Галіна атрымала перспектыву для далейшага развіцця, у прыватнасці, магчымасць стварэння ў краіне вытворчасці ўпаковачных відаў папер з цэлюлозы, што з улікам трэнду, які вяртаецца на экаўпакоўку, з'яўляецца вельмі актуальным і перспектыўным. Сёння ААТ "Светлагорскі ЦКК" поўнасцю задавальняе патрэбнасць у сульфатнай беленай цэлюлозе беларускіх перапрацоўшчыкаў, і значныя аб'ёмы цэлюлозы рэалізуе на знешнія рынкі.

Развіццё ААТ "Светлагорскі ЦКК" працягваецца. Увод у эксплуатацыю завода белёнай цэлюлозы паказаў увесь спектр магчымасцей развіцця папяровай прамысловасці ў Беларусі. Бо продаж цэлюлозы як тавару не з'яўляецца канчатковай мэтай, паколькі яна сама па сабе паўфабрыкат, з якога можна атрымаць шырокі асартымент прадукцыі з больш высокім дададзеным коштам. Таму прынята рашэнне ў Светлагорску дадаткова стварыць вытворчасць крафт-мяшэчнай мікрамацаванай паперы магутнасцю 160 тыс. тон у год. Сыравінай для гэтай вытворчасці стане сульфатная цэлюлоза. Папера будзе выкарыстоўвацца для выпуску розных відаў папяровых мяшкоў і пакетаў, якія прымяняюцца для фасоўкі харчовых і няхарчовых тавараў.